Дзярждэп ЗША ў суботу выпусціў папярэджанне аб небяспецы для амерыканскіх грамадзян, якія знаходзяцца на тэрыторыі Беларусі.
«Дзяржаўны дэпартамент рэкамендуе грамадзянам ЗША не ездзіць у Беларусь і настойліва заклікае грамадзян ЗША, якія знаходзяцца ў Беларусі, неадкладна пакінуць краіну», — гаворыцца ў дакуменце.
Амерыканскіх грамадзян папярэдзілі, што ў сувязі з вайной ва Украіне «назіраецца падвышаная напружанасць у рэгіёне, сітуацыя непрадказальная, а рэжым працы Менскага аэрапорта і сухапутнай мяжы Беларусі могуць змяніцца без паведамлення».
У Дзярждэпе таксама заклікалі грамадзян ЗША пазбягаць публічных дэманстрацый, «паколькі магчымыя патэнцыйныя пераследы, накіраваныя канкрэтна супраць замежнікаў».
Магчымасці ўрада ЗША па аказанні планавых або неадкладных паслуг грамадзянам ЗША ў Беларусі моцна абмежаваныя з-за абмежаванняў ўрада гэтай краіны ў дачыненні да штатнага раскладу амерыканскай амбасады, адзначаецца ў дакуменце.
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы4
Каментары