«Ніякая зямная ўлада не засцеражэ ад Cтрашнага суда». Святары РПЦ заклікалі спыніць вайну з Украінай
Святары Рускай Праваслаўнай Царквы апублікавалі адкрыты ліст з заклікам да прымірэння і неадкладнага спынення вайны ва Украіне.
«Страшны суд чакае кожнага чалавека. Ніякая зямная ўлада, ніякія дактары, ніякая ахова не засцеражэ ад гэтага суда. Клапоцячыся пра выратаванне кожнага чалавека, які лічыць сябе дзіцем Рускай Праваслаўнай Царквы, мы не жадаем, каб ён з'явіўся на гэты суд, несучы на сабе цяжкі груз матчыных праклёнаў. Мы нагадваем, што кроў Хрыстова, пралітая Збаўцам за жыццё свету, будзе прынятая ў таінстве Прычашчэння тымі людзьмі, хто аддае забойныя загады, не ў жыццё, а ў пакуту вечную.
Аўтары ліста заявілі, што «смуткуюць аб тым выпрабаванні», якому «незаслужана» падверглася Украіна, і лічаць, што ўкраінскі народ «павінен рабіць свой выбар самастойна, не пад прыцэлам аўтаматаў, без ціску з Захаду ці Усходу».
Мы з горыччу думаем пра тую прорву, якую прыйдзецца пераадольваць нашым дзецям і ўнукам у Расіі і ва Украіне, каб зноў пачаць сябраваць адзін з адным, паважаць і любіць адзін аднаго».
Таксама святары звярнулі ўвагу на масавыя затрыманні расіянаў на антываенных акцыях.
На момант публікацыі гэтай навіны ліст падпісалі 110 чалавек, ёсць там і беларусы.
-
На Беласточчыне прайшоў фестываль беларускай традыцыі Soncahraj ФОТЫ
-
Жонка Аляксандра Мілінкевіча расказала пра ягоны стан: памяць захавалася, але з рухальным апаратам вялікія праблемы
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
Каментары