3 сакавіка 2022 года Аляксандр Лукашэнка падпісаў указ «Аб экспарце». Цяпер дакумент апублікаваны на Нацыянальным прававым інтэрнэт-партале і ўступае ў сілу па частках. У тым ліку дзеянне аднаго з пунктаў указа распаўсюджваецца на адносіны, якія ўзніклі з 3 снежня 2021 года, піша reform.by.
Зразумець, пра што ва ўказе ідзе гаворка, складана. Бо два яго пункты — для службовага карыстання, і іх тэкст не публікуецца.
У трэцім, апублікаваным пункце гаворка ідзе пра тое,што ААТ «Беларуская калійная кампанія» атрымлівае права выкарыстоўваць у назве (у рэквізітах дакументаў або рэкламных матэрыялах) слова «беларуская» і мець пячатку, штампы і бланкі з выявай Дзяржаўнага герба Рэспублікі Беларусь.
Указ таксама адмяняе 14 папярэдніх указаў, якія так ці інакш рэгулявалі экспарт калійных угнаенняў.
Нагадаем, 2 снежня 2021 года Мінфін ЗША ўнёс «Беларускую калійную кампанію» і яе даччынае прадпрыемства ТАА «Аграросквіт» у санкцыйны спіс. Ліцэнзія Упраўлення па кантролі за замежнымі актывамі (OFAC) на ажыццяўленне здзелак з гэтымі кампаніямі, у якіх ААТ «Беларуськалій» мае маёмасныя інтарэсы, дзейнічае да 1 красавіка 2022 года.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ20
Каментары