Мінабароны Расіі заявіла, што ва ўкраінскіх лабараторыях ставілі эксперыменты з ўзорамі каранавіруса кажаноў і не толькі
Ва ўкраінскіх біялабараторыях, створаных і фінансаваных ЗША, «праводзіліся эксперыменты з узорамі каранавіруса кажаноў», заявіў на брыфінгу афіцыйны прадстаўнік Мінабароны РФ Ігар Канашэнкаў.
У Маскве сцвярджаюць, што аналізуюць перададзеныя супрацоўнікамі ўкраінскіх біялабараторый дакументы аб сакрэтнай ваенна-біялагічнай дзейнасці ЗША.
«Паводле дакументаў, амерыканскі бок планаваў весці ва Украіне ў 2022 працы па патагенах птушак, кажаноў і рэптылій з далейшым пераходам да вывучэння магчымасці пераносу імі афрыканскай чумы свіней і сібірскай язвы», — заявіў Канашэнкаў.
У Мінабароны Расіі таксама заявілі, што пацвярджаецца факт выплат наўпрост з Пентагона за ўдзел у даследаваннях. «Звяртае на сябе сціплая па амерыканскіх мерках аплата працы, гэта кажа аб нізкай ацэнцы прафесіяналізму ўкраінскіх спецыялістаў», — заявілі ў ведамстве.
Паводле Мінабароны, дакументы ўтрымліваюць прапановы па пашырэнні ваенна-біялагічнай праграмы ЗША на тэрыторыі Украіны. Так, знайшлося сведчанне працягу завершаных біялагічных праектаў UP-2, UP-9, UP-10, накіраваных на вывучэнне ўзбуджальнікаў сібірскай язвы і афрыканскай чумы свіней.
Мінабароны Расіі заявіла, што Пентагон цікавяць таксама насякомыя-пераносчыкі небяспечных інфекцый, аналіз дакументаў нібыта пацвярджае факт перадачы з біялабараторыі ў Харкаве за мяжу больш за 140 кантэйнераў з эктапаразітами кажаноў — блохамі і кляшчамі.
Таксама расійскія СМІ паведамляюць, што птушак, акальцаваных і выпушчаных у ходзе даследаванняў з Херсонскага запаведніка, адлавілі ў Іванаўскай і Варонежскай абласцях, сведчаць дадзеныя пратакола
ЗША папярэджваюць пра планы Расіі прымяніць ва Украіне хімічную зброю
Цяпер чытаюць
Квадрат у Мінску каштуе рэкордна дорага: нарэшце пабіты рэкорд 2007 года2
Каментары