Урад Расіі зацвердзіў падтрымку для прадпрымальнікаў, пацярпелых ад атак дронаў на Wildberries
Бізнэсоўцам, якія пацярпелі ад пажараў у выніку атак дронаў на Wildberries, у Расіі адтэрмінавалі падаткі.
Урад Расіі зацвердзіў меры падтрымкі прадпрымальнікаў, якія пацярпелі ад атак украінскіх беспілотнікаў на склады Wildberries. Пастанову 26 жніўня падпісаў прэм'ер-міністр Міхаіл Мішусцін.
Падтрымаць вырашылі прадпрымальнікаў, чые страты склалі не менш за 5% гадавога даходу.
Да канца 2026 года для іх прыпыняцца падатковыя праверкі і праверкі правільнасці налічэння і выплаты страхавых унёскаў.
Таксама ім дадуць магчымасць на 12 месяцаў адкласці выплату ПДВ, падаткаў пры спрошчанай сістэме падаткаабкладання. Адтэрміноўка закране падаткі і страхавыя ўнёскі, якія трэба выплаціць са жніўня 2026 года па ліпень 2027-га. Пасля гэтага суму можна будзе выплачваць на працягу года роўнымі часткамі.
Прамых грашовых кампенсацый за страты пастанова не прадугледжвае.
Украінскія вайскоўцы пачалі атакаваць лагістычныя цэнтры Wildberries у ліпені, заяўляючы, што маркетплейс выкарыстоўваецца ў ваенных мэтах. Паводле падлікаў «Агентства», Украіна вывела з ладу восем з дзесяці найбуйнейшых складоў Wildberries.
Цяпер чытаюць
«Кайлас, я іду». Што за беларуска знікла ў жудасным селі ў Непале6
Каментары