Паток бежанцаў з Украіны трохі зменшыўся. Аднак улады Варшавы і Кракава заяўляюць, што іх рэсурсы на мяжы
За мінулыя суткі 75 тысяч украінцаў пакінулі краіну праз кантрольна-прапускныя пункты на заходняй мяжы. Большая частка — 49 тысяч — адправіліся ў Польшчу. Усяго Украіну за 16 дзён пакінулі 2 мільёны 600 тысяч чалавек.
Польскія ўлады, са свайго боку, паведамілі ў суботу, што прынялі 1,6 млн уцекачоў за час вайны. Паводле ацэнак даследчыкаў Варшаўскага ўніверсітэта, каля мільёна ўкраінцаў засталіся ў Польшчы, астатнія адправіліся ў іншыя еўрапейскія краіны.
Гарадскія ўлады Варшавы і Кракава кажуць, што іх рэсурсы на мяжы, і без дадатковай дапамогі яны не змогуць размясціць новых уцекачоў.
Мэр сталіцы сказаў у пятніцу, што праз Варшаву прайшлі ўжо 320 тысяч украінцаў і 230 тысяч засталіся — гэта параўнальна з 10% гарадскога насельніцтва да вайны ва Украіне.
Паток бежанцаў у пятніцу трохі скараціўся ў параўнанні з чацвяргом, адзначылі і палякі, і ўкраінцы. Чэргі мінімальныя нават на польскім участку, аднак пагранслужба Украіны ўсё роўна раіць грамадзянам карыстацца альтэрнатыўнымі пераходамі на мяжы з Венгрыяй, Славакіяй, Румыніяй і Малдовай.
У зваротным кірунку — з ЕС ва Украіну — памежнікі за мінулыя суткі прапусцілі 900 машын з гуманітарнымі грузамі і 18 тысяч чалавек, у тым ліку 15 тысяч украінцаў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары