Швейцарская кампанія Weatherford абмежавала сваю працу ў Расіі. Іншыя нафтасэрвісныя кампаніі зрабілі гэта раней
Швейцарская кампанія Weatherford стала апошняй з «вялікай чацвёркі» нафтасэрвісных кампаній, якія вырашылі прыпыніць пастаўкі і новыя інвестыцыі ў Расію, а таксама разгортванне новых тэхналогій у краіне. Пра гэта гаворыцца ў заяве прэзідэнта і галоўнага выканаўчага дырэктара кампаніі Гірыша Саліграма.
«Нашы найглыбейшыя спачуванні ўсім, хто пацярпеў ад бягучага крызісу ва Украіне. Шчыра спадзяёмся, што неўзабаве мір будзе адноўлены. Наша асноўная ўвага засяроджаная на бяспецы і дабрабыце нашых супрацоўнікаў у рэгіёне», — сказаў Саліграм.
Таксама ён адзначыў, што пасля ўвядзення санкцый 24 лютага кампанія прыпыніла пастаўкі і любыя новыя інвестыцыі або разгортванне новых тэхналогій у РФ, дадаўшы, што яны будуць працягваць выконваць цяперашнія дагаворныя абавязальніцтвы ў рамках дзейнага міжнароднага заканадаўства і санкцый.
«Мы глыбока занепакоеныя крызісам і заклікаем да хуткага дыпламатычнага і мірнага ўрэгулявання», — падкрэслілі ў Weatherford.
Да гэтага ўжо тры найбуйнейшыя нафтасэрвісныя кампаніі свету заявілі аб згортванні працы ў Расіі: Halliburton, Schlumberger і Baker Hughes.
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі7
Каментары