Перспектывы беларускага спорту: замест Алімпіяды — альтэрнатыўныя гульні з Расіяй і Пакістанам
На нарадзе ў Лукашэнкі чыноўнікі абмяркоўвалі міжнародныя спартыўныя спаборніцтвы, якія могуць стаць альтэрнатывай Алімпіядзе.
«Улічваючы, што большасць краін-партнёраў уваходзіць у склад СНД, Шанхайскай арганізацыі супрацоўніцтва, мы разам з расійскімі калегамі прыступілі да прапрацоўкі пытанняў прыцягнення да ўдзелу ў гэтых спартыўных мерапрыемствах такіх краін, як Кітай, Індыя, Пакістан, Манголія і іншыя», — цытуе міністра спорту і турызму Сяргея Кавальчука «БелТА».
Па яго словах, можна таксама запрасіць «дружалюбныя» краіны Паўднёвай Амерыкі. Магчымае таксама правядзенне гульняў краін БРІКС (Бразілія, Расія, Індыя, Кітай і ПАР).
За прыклад возьмуць другія гульні краін СНД, якія пройдуць у 2023 годзе ў Беларусі.
Нацыянальны алімпійскі камітэт сустрэнецца таксама з НАК Расіі, каб арганізаваць спартыўныя спаборніцтвы ў бліжэйшай перспектыве.
Каментары