Здаецца, у гісторыі яшчэ не было войнаў, дзе б сельскагаспадарчая тэхніка грала такую заўважную ролю. З першых дзён вайны сеціва напоўнілася дзясяткамі відэа, на якіх жыхары ўкраінскіх сёлаў цягнуць кінутую расійскай арміяй вайсковую тэхніку. Гэта спарадзіла шмат жартаў пра асобны род войскаў у складзе Узброеных сіл Украіны — трактарныя войскі.
Трэба адзначыць, што на іх узбраенні апроч сучасных John Deere вельмі часта сустракаюцца і трактары «Беларус», што толькі дадае камічнасці ў сітуацыі, калі адважныя сяляне на сельскагаспадарчай тэхніцы мінулага стагоддзя бяруць у палон тэхніку вайсковую, кошт якой часта складае мільёны даляраў.
Танкі, БТРы і БМП, цяжкія агнямётныя сістэмы, мабільныя сродкі супрацьпаветранай абароны, бензавозы — усё цягнуць да сябе на падворак дбайныя ўкраінскія фермеры. Здаецца, гэтай тэхнікай можна забяспечыць цэлую армію невялікай еўрапейскай краіны.
Мяркуючы па каментарах, частка трафеяў перадаецца пасля ўкраінскай арміі, частка, напэўна, апынецца ў пунктах прыёму металалому — зараз кошт на чорны метал ва Украіне 300 даляраў за тону, а гэта азначае, што танк Т-72 канвертуецца ў амаль 14 000 даляраў.
Кантынент Украіна. Падарожжа ў краіну, дзе людзі захоўваюць аптымізм у любой сітуацыі
Цуд сялянскай Швецыі — крамкі фермераў, заснаваныя на даверы
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1313
Каментары