Латвія хоча замарозіць фінансавыя актывы санаторыя «Беларусь», які належыць Упраўленню спраў прэзідэнта
Латвія хоча замарозіць рахункі размешчаных у Юрмале санаторыяў «Беларусь» і «Бурштынавы бераг», якія належаць дзяржструктурам Беларусі і Расіі. Адпаведны зварот накіраваны ў суд для разгляду пытання, піша Delfi.lv.
Судовая адміністрацыя звярнулася ў суд з просьбай ацаніць магчымасць замарожвання нерухомасці. Як піша выданне, санаторый «Беларусь» належыць Упраўленню спраў прэзідэнта Беларусі, гэта значыць фактычна кантралюецца Аляксандрам Лукашэнкам, супраць якога ўведзеныя персанальныя санкцыі.
У сваю чаргу, санаторый «Бурштынавы бераг» з'яўляецца філіялам «аздараўленчым цэнтрам» Бор Упраўлення спраў прэзідэнта Расіі.
Абодва санаторыі ўключаныя ў спіс юрыдычных асоб, звязаных з санкцыямі.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары