НАТА правядзе найбуйнейшыя вучэнні ва Усходняй Еўропе з удзелам армій Фінляндыі і Швецыі
Дзясяткі тысяч вайскоўцаў краін НАТА, а таксама арміі Швецыі і Фінляндыі возьмуць удзел у найбуйнейшых з часоў халоднай вайны вучэннях ва Усходняй Еўропе.
Толькі Брытанія накіруе на ўсход Еўропы 8000 байцоў, паведамляюць брытанскія СМІ.
Вучэнні пройдуць на тэрыторыі ад Фінляндыі на поўначы да Паўночнай Македоніі на поўдні і стануць сігналам Расіі.
Яны запланаваныя прыкладна на час, калі Фінляндыя і Швецыя далучацца да НАТА, і маюць стрымаць Расію ад правакацый, пакуль дзве скандынаўскія краіны афіцыйна не пяройдуць пад натаўскі парасон.
Рашэнне пра вучэнні было прынятае паралельна з рашэннем аб беспрэцэдэнтнай ваеннай і эканамічнай дапамозе Украіне. Толькі ЗША дадаткова выдзяляюць на гэта 33 мільярды даляраў. Імаверна, яшчэ больш Украіна атрымае ад іншых краін антыпуцінскай кааліцыі, у якую на сёння ўваходзяць 40 дзяржаў ад Нарвегіі да Аўстраліі.
Каментары