Брытанскі эксперт: Расійскай арміі хопіць толькі на некалькі тыдняў, а Захад разумее, што Пуцін блефуе з ядзернай зброяй
Расійскі наступ у Данбасе, мяркуючы па ўсім, захлынуўся, і бітва за рэгіён скончыцца праз два-чатыры тыдні, сцвярджае брытанскі ваенны эксперт. «Па сутнасці, у рускіх скончацца войскі, і ўкраінцы ўжо рыхтуюцца контратакаваць», — кажа навуковы супрацоўнік лонданскага Каралеўскага каледжа па вывучэнні вайны Майк Марцін.
На ягоную думку, расіяне ўжо страцілі свой адзіны шанец захапіць рэгіён.»
Яны вывелі ўсе гэтыя патрапаныя часці з Кіева, а затым паспрабавалі перафармаваць іх для баявых дзеянняў на ўсходзе», — тлумачыць ён. Але гэтыя часці моцна пацярпелі ў баях за ўкраінскую сталіцу, а Расіі не ўдалося іх умацаваць і здзейсніць які-небудзь рашучы манеўр.
Марцін кажа, што заява Вялікабрытаніі аб тым, што цяпер мэта заходняй дапамогі Украіне — выціснуць расійскія войскі з усёй тэрыторыі краіны, уключаючы Крым, азначае сур'ёзны стратэгічны зрух.
Пры гэтым эксперт лічыць, што міністр замежных спраў Вялікабрытаніі Ліз Трас не мела рацыі, сказаўшы, што на гэта можа спатрэбіцца 10 гадоў. Па яго ацэнцы, расійскія сілы разваляцца да гэтага, і, магчыма, мы ўбачым пераварот у Расіі.
Выдзяленне Вашынгтонам Украіне 33 млрд даляраў — гэта вельмі выразны сігнал аб намерах, лічыць Марцін.
На думку эксперта, гэта таксама азначае, што НАТА і ЗША прыйшлі да высновы, што Уладзімір Пуцін блефуе, пагражаючы прымяненнем ядзернай зброі ў выпадку, калі НАТА падыме стаўкі ў гэтым супрацьстаянні.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары