Міністарка працы Касцевіч прызнала, што многія беларусы праз санкцыі губляюць працу, і прапанавала ісці на палявыя работы
Міністарка працы і сацыяльнай абароны Ірына Касцевіч распавяла пра сітуацыю на рынку працы ва ўмовах санкцый на тэлеканале «Беларусь 1».
«Сёння новыя выклікі і пагрозы звонку, яны прырастаюць. Рынак на гэта адрэагаваў. У сакавіку-красавіку мы бачым рост вымушанай няпоўнай занятасці, прастояў. Калектывы перабудоўваюць сваю працу. Мы перайшлі на штотыднёвы маніторынг. У нас ёсць унутраныя галіновыя штабы, каб, убачыўшы праблему ў канкрэтным калектыве, аператыўна падключыцца да яе вырашэння», — сказала Ірына Касцевіч.
Паводле яе слоў, калі чалавек губляе ранейшыя даходы, ёсць магчымасці для вырашэння гэтай праблемы — часовы перавод да іншага наймальніка, у якога сёння ёсць замовы, часовая занятасць. «Цяпер ідуць сезонныя палявыя працы, чалавек можа зарабіць дадатковую капейчыну», — адзначыла міністр.
Касцевіч паведаміла, што ў студзені-сакавіку 2022 года колькасць занятых у эканоміцы Беларусі трымалася на ўзроўні 4,245-4,246 мільёна.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары