Альфа-банк папярэдзіў кліентаў, што з 5 мая ягоныя карты не будуць працаваць за мяжой
Адключэнне картаў, паводле прэс-службы Альфа-Банка, можа адбыцца «з-за пазіцыі амерыканскіх банкаў». Такім эўфемізмам акрэсліваюцца накладзеныя на банк санкцыі.
Цяпер карты Visa і Mastercard Альфа-Банка перастануць працаваць за мяжой: імі нельга будзе расплачвацца ў крамах, а таксама здымаць наяўныя. Таму банк просіць тых, хто знаходзіцца ў іншай краіне, павялічыць ліміты на зняцце валюты ў InSync і зняць, пакуль не позна, з карткі патрэбную суму.
У Беларусі карыстацца карткамі можна будзе амаль як раней, але таксама ёсць абмежаванні, звязаныя з выкарыстаннем замежных валют.
Так, будуць недаступныя пераводы з карты на карту ў замежнай валюце: нельга будзе атрымаць ці адправіць грошы. Гэта тычыцца як пераводаў на карты замежных банкаў, так і пераводаў па Беларусі.
Не атрымаецца зняць з карты Альфа-Банка замежную валюту ў банкаматах і касах беларускіх банкаў, а таксама аплаціць у замежнай валюце на тэрыторыі нашай краіны (напрыклад, у Duty Free).
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары