Сапега далі максімальны тэрмін з улікам супрацоўніцтва са следствам?
Сафіі Сапега прысудзілі 6 год пазбаўлення волі ў калоніі агульнага рэжыму. Да гэтага паведамлялася, што Сафія выконвала ўмовы дасудовага супрацоўніцтва са следствам. Па законе гэта акалічнасць павінна зменшыць тэрмін удвая. Атрымліваецца, дзяўчыне далі максімальны тэрмін з магчымых?
Пагадненне са следствам — гэта пісьмовыя «дамоўленасці» паміж абвінавачаным і пракурорам. У іх прызнаецца віна, а таксама ўказваецца, чым абвінавачаны можа дапамагчы следству.
Самы цяжкі артыкул КК, які быў прад’яўлены Сафіі, — 130-ы, аб распальванні варожасці. Ён прадугледжвае ад 5 да 12 гадоў калоніі.
Пракурор, а потым суд вырашаюць, што калі пагадненні былі выкананы, то па законе могуць даць не больш за палову максімальнага тэрміну.
Згодна з артыкулам 69.1 КК, выключэнне складаюць цяжкія ці асабліва цяжкія злачынствы, звязаныя з замахам на жыццё або здароўем чалавека. У такім выпадку тэрмін (калі чалавек супрацоўнічаў са следствам) не можа перавышаць дзвюх трацін максімальнага.
Атрымліваецца, 6 год калоніі — максімальны тэрмін, які маглі даць Сапега з улікам яе супрацы са следствам. Яго яна і атрымала.
Згодна з артыкулам 72 КПК, орган, які вядзе судовы працэс, і службовыя асобы не маюць права выдаваць ні факт звароту абвінавачанага з хадайніцтвам аб заключэнні пагаднення, ні рашэнне пракурора на гэты конт.
Сам Следчы камітэт у сваім прэс-рэлізе факт дасудовага супрацоўніцтва ўказаў.
Чытайце таксама:
Сапега адпраўляюць у калонію на 6 гадоў, нягледзячы на супрацу яе і Пратасевіча са следствам
«Мы пра такое і блізка не думалі». Родныя — аб прысудзе Соф'і Сапега
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы3
Каментары