«Тут была нядаўна дыскусія, што фізіка па-беларуску — гэта нерэальна. Паспрабую даказаць, што гэта не толькі рэальна, але і проста!» — піша Яўген Сокалаў у Фэйсбуку, ды запрашае на анлайн-семінар, што адбудзецца 15 траўня а 21.00 у Zoom.
У гэтую нядзелю ў 2рм ЕТ (21:00 па Мінску) Яўген Сокалаў запрашае наведаць Беларускі міждысцыплінарны семінар, дзе будзе выступаць з дакладам BIS: Рэвалюцыя, якую чакаюць 30 год: ці зменіць свет інтэгральная фатоніка? Спасылка на Zoom тут.
Пра што пойдзе гаворка:
— Прычыны камп'ютарнай рэвалюцыі другой паловы ХХ стагоддзя.
— Чым святло лепшае за ток?
— Фатонныя інтэгральныя (мікра)схемы (ФІС) і экасістэма іх распрацоўкі.
— Ад лабараторыі ў кішэні да касмічных місій — дзе выкарыстоўваюцца ФІС.
— Дык ці адбудзецца рэвалюцыя ў тэхналогіях, дзякуючы ФІС?
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары