На пляцоўцы будуць праходзіць розныя культурніцкія импрэзы, у тым ліку выставы і канцэрты, піша «Свабода».
Як адзначаюць арганізатары, «ІнБелКульт 2.0» стане «творчай пляцоўкай для розных музычных калектываў і шматлікіх культурніцкіх праектаў у галіне тэатра, літаратуры, мастацтва, фатаграфіі ды гуманітарных навук».
Пляцоўка ўжо аб’яднала такія ініцыятывы, як «Вольны хор», «Школа мастацтваў імя Міколы Равенскага», хор Concordia. Таксама ў планах стварэнне «Беларускай капэлы», моўных курсаў, правядзенне сталых фотавыстаў і музычна-літаратурных сустрэч.
16 траўня ў Доме спатканняў з гісторыяй на варшаўскай вуліцы Karowa, 20, адбудзецца прэзентацыя праекта.
У сустрэчы возьмуць удзел:
• Лявон Вольскі — музыка;
• Іван Касцяхін — сімфанічны дырыжор;
• Вольга Падгайская — кампазітарка;
• Віталь Дарашук — музыка;
• Тацяна Галуза — музыка;
• Ася Смаляк — тэатральная артыстка;
• Васіль Дранько-Майсюк — аніматар культуры;
• Святлана Зелянкоўская — актрыса і спявачка;
• Крысціна Дробыш — актрыса;
• Тацяна Кандраценка — мастачка;
• Вольга Мжэльская — куратарка выставаў;
• Жэня і Юлія Канаплёвы-Лейдык — фатографы;
• Галіна Казіміроўская — дырыжорка;
• Ганна Радзеёўская — куратарка, кіраўніца Інстытута Пілецкага ў Берліне;
• Аліна Коўшык — журналістка, сузаснавальніца Цэнтра беларускай салідарнасці.
На прэзентацыі адбудуцца выступы выбітных дзеячаў беларускай культуры і размова пра стан беларускай культуры, шляхі яе захавання і развіцця.
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць33
Каментары