У Латвіі забаранілі трансляцыю ўсіх расійскіх тэлеканалаў, але выдалі ліцэнзію «Дождю»
Усяго забаронена каля 80 каналаў.
Нацыянальная рада па электронных СМІ забараніла трансляцыю каля 80 каналаў, якія да гэтага часу заставаліся даступныя на тэрыторыі краіны — у асноўным, гэта каналы забаўляльнага характару.
Забарона на трансляцыю была накладзеная ў адпаведнасці з новым законам, які сейм Латвіі прыняў у канцы мая — ён дазваляе абмяжоўваць замежныя праграмы, калі іх робяць у дзяржавах, якія пагражаюць суверэнітэту іншых краін.
Гэта пастанова ўваходзіць у дзеянне 9 чэрвеня і будзе дзейнічаць да таго часу, пакуль Расія не спыніць вайну і не аддасць Крым.
Разам з тым Нацыянальная рада выдала дазвол на вяшчанне тэлеканалу «Дождь». Гэта азначае, што ў будучыні тэлеканал будзе транслявацца з Рыгі.
У пачатку сакавіка «Дождь» на час спыніў сваю дзейнасць, а яго галоўны рэдактар Ціхан Дзядко і многія работнікі рэдакцыі пакінулі Расію.
З пераездам «Дождя» ў Рыгу сталіца Латвіі становіцца галоўнай базай незалежных расійскіх СМІ. Там размяшчаюцца таксама «Медуза» і Расійская служба радыё «Свабода».
Анжаліку Мельнікаву бачылі ў Мінску ў «Дана Моле»53
Каментары