За атрыманне хабару затрымалі начальніка аднаго з аддзяленняў Беларускай чыгункі
Мужчыну ўзялі з доказамі злачынства пры атрыманні пакета з грашыма.
Пры атрыманні хабару быў затрыманы 45-гадовы кіраўнік аднаго з аддзяленняў Беларускай чыгункі, паведамляе прэс-служба МУС.
Мужчыну ўзялі з доказамі злачынства пры атрыманні пакета з грашыма. У ім было 1000 даляраў і 7,3 тысячы рублёў. Кіраўнік падазраваецца ў атрыманні незаконных узнагароджанняў ад клінінгавага сэрвісу.
«Устаноўлена, што службовая асоба сістэматычна атрымлівала грошы ад кіраўніка адной са сталічных клінінгавых кампаній, асноўны кірунак якой — уборка чыгуначных станцый. Пасля пераводу сродкаў на рахунак фірмы за аказаныя паслугі частка з іх абнаяўнівалася і перадавалася чыноўніку», — гаворыцца ў паведамленні МУС.
Усяго, па версіі міліцыі, за год мужчына атрымаў больш за 46 тысяч рублёў.
Каментары