На 92-м годзе жыцця памёр французскі акцёр Жан-Луі Трэнціньян, паведамляюць французскія СМІ. Ён здымаўся ў кіно больш за 60 гадоў.
Трэнціньян у маладосці хацеў стаць аўтагоншчыкам, але ў выніку вучыўся на юрыста. У 19 гадоў сышоў з універсітэта і стаў браць урокі тэатральнага мастацтва.
У 1956 годзе Трэнціньян атрымаў шырокую вядомасць дзякуючы ролі ў фільме «І бог стварыў жанчыну», дзе ён сыграў з актрысай Брыджыт Бардо.
Яшчэ адна з найбольш вядомых ягоных работ — роля ў карціне «Мужчына і жанчына», якая атрымала Гран-пры Канскага кінафестывалю і дзве прэміі «Оскар» за найлепшы замежны фільм і найлепшы арыгінальны сцэнар.
Усяго Трэнціньян сыграў у больш чым 130 фільмах. Таксама ён спрабаваў сябе ў якасці рэжысёра і сцэнарыста.
А яшчэ захапляўся аўтагонкамі, у 1990-я купіў вінаградную гаспадарку. І працягваў здымацца ў кіно аж да апошніх гадоў.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары