Украінскія ўлады сцвярджаюць, што ў Новай Кахоўцы былі забітыя расійскі генерал і афіцэры
Прадстаўнік Адэскай абласной ваеннай адміністрацыі Сяргей Братчук заявіў пра гібель 150 расійскіх вайскоўцаў, у тым ліку генерала і пяці афіцэраў, у выніку ўдару Узброеных сіл Украіны па іх базе ў акупаванай частцы Херсонскай вобласці ў нядзелю.
«Пасля пападання ракет HIMARS па штабе ў Херсонскай вобласці загінуў начальнік штаба 22-га вайсковага корпуса УС РФ генерал-маёр Насбулін. Палкоўнік Кенс, пра гібель якога мы паведамлялі ўчора, загінуў там жа. А акрамя яго — камандзір 20 мотастралковай дывізіі палкоўнік Андрэй Гарабец, начальнік аператыўнага аддзялення штаба 20 МСД палкоўнік Коваль, начальнік артылерыі 20 МСД палкоўнік Гардзееў. Усяго загінулых больш за 150», — напісаў Братчук.
Раней Галоўнае ўпраўленне разведкі Украіны паведамляла пра 12 загінулых расійскіх вайскоўцаў высокага рангу ў выніку ўдару па складзе боепрыпасаў у Новай Кахоўцы побач з Херсонам.
Расійскі бок гэтую інфармацыю не каментаваў.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары