Жыхары Міншчыны, каб выбіць доўг, падрапалі кузаў Tesla. Але яны пераблыталі машыну
Мужчыны вырашылі дапамагчы сяброўцы, але перастараліся.
Мінчук паскардзіўся ў міліцыю на тое, што невядомыя падрапалі кузаў ягонай Tesla. Нанесеная шкода склала больш за 7 тысяч рублёў.
Неўзабаве знайшліся і вінаватыя — жыхары Міншчыны 56 і 65 гадоў. Яны расказалі, што вырашылі дапамагчы сяброўцы вярнуць грошы, якія яна пазычыла прыяцелю.
Мужчыны спачатку запісалі для даўжніка відэа з пагрозамі, але ролік чамусьці не адправіўся. Тады яны пайшлі на крайнія меры.
Яны прыехалі дадому да даўжніка, каб асабіста пагутарыць і абмеркаваць праблему запазычанасці. У двары мужчыны ўбачылі прыпаркаваную машыну. Ім здалося, што яна падобная да аўто даўжніка, і таму вырашылі падрапаць кузаў цвіком.
У гэты час з дому выйшаў сапраўдны ўладальнік Tesla. Ён выклікаў міліцыю, пасля чаго няўдалых калектараў затрымалі. Цяпер супраць іх заведзена крымінальная справа.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?2
Каментары