Жыхар Віцебска патэлефанаваў у банк і «падарваў асабістыя якасці Лукашэнкі». Яго адправілі ў калонію
Хлопца абвінавацілі ў публічнай абразе Лукашэнкі.
Жыхар Віцебска ў чэрвені прыйшоў у банк, каб пакласці грошы на рахунак праз інфакіёск. Па версіі следства, у 20-гадовага хлопца гэта па нейкай прычыне не атрымалася.
Вярнуўшыся дадому, ён патэлефанаваў у кол-цэнтр «Беларусбанка» і ў размове з супрацоўніцай банка нібыта абразіў Лукашэнку. Тая перадала інфармацыю кіраўніцтву, і хлопца затрымалі.
У пракуратуры адзначылі, што абраза прызнаная публічнай, бо яна была нанесеная ў прысутнасці іншага чалавека. Пры гэтым, на думку суда, словы хлопца «падрывалі аўтарытэт Лукашэнкі, яго асабістыя і прафесійныя якасці, а таксама аўтарытэт дзяржаўнай улады ў цэлым».
У судзе хлопец сваю віну прызнаў і патлумачыў, што знаходзіўся ў моцным эмацыйным стане. Суд прызначыў жыхару Віцебска 1 год і 3 месяцы калоніі агульнага рэжыму.
Акрамя таго, у хлопца канфіскавалі тэлефон.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»17
Каментары
мне пляваць