Былога каліноўца, якога затрымалі ў В’етнаме, імгненна выдалі спецслужбам Лукашэнкі ФОТА
Кадры з ім з’явіліся ў дзяржаўнай прапагандзе, яго паказалі па ТБ. Па інфармацыі «Нашай Нівы», затрымалі яго 13 лістапада, а выдалі 14-га — што паказвае на спланаванасць аперацыі.
Як стала раней вядома «Нашай Ніве», былы добраахвотнік Васіль Верамейчык быў затрыманы з тыдзень таму ў В'етнаме.
Саслужыўцам слаба вядомыя абставіны, яны называюць іх цьмянымі. Нібыта ён паспеў адпісацца, што яго затрымліваюць.
Дакладна было невядома, як улады Беларусі выйшлі на ягоны след і даведаліся, што ён знаходзіцца ў паўднёваазіяцкай краіне. У кожным разе, Беларусі яго выдалі. Прычым, па інфармацыі «Нашай Нівы», затрымалі яго 13 лістапада, а выдалі 14-га — што паказвае на спланаванасць аперацыі.
34-гадовы Верамейчык скончыў Вайсковую акадэмію Беларусі і служыў у Печах. Са службы ён звольніўся ў 2016 годзе, пасля чаго працаваў у ІТ.
У 2020 годзе ён падтрымаў рух за свабодныя выбары, удзельнічаў у мітынгах і маршах. У лістападзе 2020 года яго затрымалі па падазрэнні ў падпалах аўтамабіляў супрацоўнікаў пракуратуры — якая ўжо тады стала адным з галоўных арганізатараў масавых рэпрэсій. Але пасля 10 сутак арышту ён выйшаў на волю: доказаў не знайшлі.
Напачатку 2021 года праз пагрозу паўторнага арышту эміграваў ва Украіну і жыў з сям'ёй у Львове.
Пасля нападу Расіі на Украіне ён адразу, у лютым 2022 года, далучыўся да беларускага батальёна імя Кастуся Каліноўскага. Служыў у ім намеснікам камандзіра батальёна «Волат» і быў узнагароджаны медалём «Украіна перш за ўсё».
Вядомы пад пазыўным «Пацук», ён удзельнічаў у баях у Херсонскай, Мікалаеўскай і Луганскай абласцях.
Чаму былы баец Палка Каліноўскага ўвогуле апынуўся ў той азіяцкай краіне? Літва прызнала яго пагрозай нацыянальнай бяспецы на падставе фармальнай прыкметы — яго ранейшай службы ў беларускай арміі, а ён прапусціў тэрмін падачы апеляцыі, бо ў той час жыў у Грузіі. Ён спрабаваў прызямліцца ў Польшчы, але не схацеў праходзіць патрэбныя для гэтага доўгія працэдуры, расказалі «Нашай Ніве» яго сябры.
Замест гэтага Верамейчык рашыў выехаць у далёкую краіну, доўга пражыў там. Таму кола асобаў, якія ведалі, што ён жыве там, было даволі шырокае. Не выключана, што інфармацыю пра яго знаходжанне ў В'етнаме перадаў лукашэнкаўскім спецслужбам крот у коле каліноўцаў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары