Беларус падрабіў нумар на машыне, каб яго не скралі. Але скончылася гэта кепска
Адзін чалавек паставіў на машыну падроблены нумар, бо баяўся, што за мяжой яго выкрадуць. Калі ж вяртаўся дахаты, то мытнікі заўважылі падробку, і цяпер парушальніку пагражае да двух гадоў пазбаўлення волі, паведамляе Камітэт судовых дэкспертыз.
Беларус, вяртаючыся дадому на асабістым аўтамабілі, пры перасячэнні мяжы з боку адной з суседніх дзяржаў быў спынены супрацоўнікамі мытні, у якіх узніклі сумневы ў сапраўднасці дзяржаўных рэгістрацыйных знакаў аўтамабіля. У сувязі з гэтым было прынята рашэнне выключыць нумарныя знакі і накіраваць іх на экспертызу.
Судовым экспертам было ўстаноўлена, што рэгістрацыйныя знакі вырабленыя не на спецыялізаваным прадпрыемстве: на нумарах адсутнічалі таварныя знакі прадпрыемства — вытворцы пласцін, а таксама ахоўныя элементы, якія наносяцца на сапраўдных знаках.
Як растлумачыў уладальнік аўтамабіля, рэгістрацыйныя знакі ён купіў у інтэрнэт-краме, паколькі баяўся, што за мяжой нумары выкрадуць — таму і вырашыў часова паставіць падробку.
За падробку рэгістрацыйнага (нумарнога) знака транспартнага сродку ў адпаведнасці з ч. 1 артыкула 381 Крымінальнага кодэкса Беларусі можа пагражаць да двух гадоў пазбаўлення волі.
Цяпер чытаюць
Беларускі IT-мільярдэр Гурскі: Маю першую жонку забіў гемблер2
Каментары