У Баранавічах адкрылі сумесны беларускі-кітайскі завод халадзільнікаў, які створаны ў супрацоўніцтве з кітайскай кампаніяй Midea. Пра гэта паведаміў член Савета Рэспублікі і старшыня праўлення «Беларусбанка» Віктар Ананіч, піша Office Life.
Ідэя аб стварэнні такога завода ўзнікла яшчэ ў верасні 2024 года. Тады гаварылася, што вытворчасць размесцяць на тэрыторыі Баранавіцкага завода аўтаматычных ліній. Паводле плану, да канца 2025 года тут павінны выпусціць каля 10 тысяч халадзільнікаў.
Кітайская кампанія Midea, якая да гэтага часу працавала ў Расіі, вырашыла перанесці вытворчасць у Беларусь і стала асноўным партнёрам у праекце. Ужо ў канцы 2024 года на завод прыбылі першыя партыі абсталявання. Планавалася, што тэхналогіі будуць пераўзыходзіць тыя, што выкарыстоўваюцца на «Атланце». У першым квартале 2025 года чакалі выхад першай прадукцыі.
Цяпер завод афіцыйна адкрыты і кіруецца кампаніяй «Мідэа Рэфрыжаратар Мануфактурынг», якая была створана ў маі 2024 года. 95% акцый належаць кітайскаму холдынгу Midea Group, астатнія 5% — Баранавіцкаму заводу аўтаматычных ліній.
Магутнасць новага прадпрыемства — да 1 мільёна халадзільнікаў у год. У далейшым плануецца таксама выпускаць іншую бытавую тэхніку. Завод ужо пачаў набіраць супрацоўнікаў — у Рэспубліканскім банку вакансій размешчана інфармацыя пра 25 вольных месцаў, усяго ж на заводзе працуе 105 чалавек. Напрыклад, шукаюць інжынера-тэхнолага (з заробкам да 2500 рублёў) і галоўнага бухгалтара (да 3500 рублёў).
Цікава, што гэта не першы сумесны праект Midea у Беларусі. Яшчэ ў 2007 годзе кітайцы пачалі супрацоўніцтва з беларускім холдынгам «Гарызонт» — тады было створана прадпрыемства «Мідэа-Гарызонт», якое вырабляла мікрахвалёўкі і воданагравальнікі. З цягам часу ўладальнікі змяняліся, і ў 2024 годзе адбылося перайменаванне: цяпер гэта кампанія Home Appliances, якая працягвае выпускаць бытавую тэхніку і займае значную долю рынку ў Беларусі.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак15
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары
4000 за дзень
Нават калі толькі прыклейваць шыльды, прыдзецца ім папацець.