Расійскага «героя СВА» ў Стаўрапалі ўзарваў хлопец, з якім ён пазнаёміўся на рэсурсе для гей-знаёмстваў
У расійскім Стаўрапалі ўзарвалі маёра, які ў 2022 годзе каардынаваў бамбёжкі Марыупаля. На момант гібелі Заур Гурцыеў працаваў першым намеснікам кіраўніка Стаўрапаля. Ён стаў ім па квоце для «ветэранаў спецаперацыі». Цяпер да яго партрэта дадаліся новыя рысы. Канал «ВЧК-ОГПУ» расказаў падрабязнасці падрыву.
Па інфармацыі канала, Заур Гурцыеў пазнаёміўся з Мікітам Пяньковым на адным з рэсурсаў для гей-знаёмстваў.
У ходзе следства знойдзена адкрытая перапіска, дзе яны адпраўлялі адзін аднаму аголеныя фатаграфіі і г. д. Намеснік кіраўніка горада раней ужо запрашаў свайго новага знаёмага для сумеснага правядзення часу, але кожны раз сустрэчу даводзілася адмяняць з-за камандзіровак Гурцыева.
Пра апошняе месца сустрэчы Заур Гурцыеў і Мікіта Пянькоў дамовіліся загадзя. Як толькі яны зблізіліся, адбыўся выбух. Па папярэдніх даных, выбухоўка была ў сумцы Мікіты Пянькова. Унутры бомбы былі паражальныя элементы-шарыкі для пнеўматычнай зброі.
Адна версія, што Пянькова невядомыя нанялі для збору кампрамату на Гурцыева і забяспечылі «спецтэхнікай», якая перадае «карцінку». У спецтэхніку была ўмантаваная выбухоўка.
Іншая версія, што Пянькоў усвядомлена стаў смяротнікам.
Лаяльны расійскім уладам канал Mash пагаварыў з сужыцелькай Гурцыева Дар'яй. Яна даведалася пра смерць партнёра толькі раніцай з навін. Дзяўчына расказала, што каля паўночы Заур устаў і раптам кудысьці пайшоў, не сказаўшы ёй ні слова. Пра знаёмства Заура з Мікітам Пяньковым яна нічога не ведае — хлопец ні разу не быў у іх у гасцях.
Мінскія ўлады расказалі, як будуць змагацца з «акіянам аўтамабіляў» у дварах2
Каментары