У Мінабароны Украіны паабяцалі патапіць Чарнаморскі флот і вярнуць Крым
Украінская армія рыхтуецца знішчыць Чарнаморскі флот і вярнуць Крым з дапамогай заходняга ўзбраення, заявіў намеснік міністра абароны краіны Уладзімір Гаўрылаў у інтэрв'ю для The Times.
Ён адзначыў, што працэс «зачысткі» Чорнага мора пачаўся са здачы расійскімі вайскоўцамі вострава Змяіны. Паралельна УСУ доўга нарошчвалі ўласны «супрацькарабельны ракетны патэнцыял», але дагэтуль не наважваліся ўступаць у адкрытае супрацьстаянне з Расіяй.
Па словах Гаўрылава, украінцы не ішлі на штурм, чакаючы замежнай зброі большай далёкасці. Ён дадаў, што Расія павінна адмовіцца ад Крыма, калі хоча працягваць існаваць як дзяржава.
У Крамлі адрэагавалі на словы Гаўрылава, паведаміўшы, што Расія, маўляў, нездарма пачала вайну. «Заявы Кіева толькі пацвярджаюць апраўданасць спецыяльнай ваеннай аперацыі», — сказаў пуцінскі прэс-сакратар Дзмітрый Пяскоў.
Каментары