Дамоўленасць аб марскім калідоры для экспарту збожжа з Украіны збіраюцца падпісаць у пятніцу ў Турцыі
Канцылярыя прэзідэнта Турцыі пацвердзіла, што пагадненне аб экспарце збожжа з Украіны марскім шляхам будзе падпісана ў пятніцу ў Стамбуле. Пра гэта паведамляе «Еўрапейская праўда».
Прадстаўнік Украіны на перамовах з Расіяй выклаў дэталі экспарту збожжа праз Чорнае мора.
Адзначаецца, што пагадненне будзе падпісана ў 16:30 па мясцовым часе ў палацы Долмабахчэ. Падчас падпісання будуць прысутнічаць прэзідэнт Турцыі Рэджэп Таіп Эрдаган і генеральны сакратар ААН Антоніу Гутэрэш, які ўжо адправіўся ў Стамбул.
Чакаецца таксама ўдзел прадстаўнікоў Украіны і Расеі, але на якім узроўні, не ўдакладняецца.
Раней Эрдаган выказаў надзею, што дамоўленасць аб экспарце збожжа з Украіны будзе фіналізаваная ўжо на гэтым тыдні.
Нагадаем, Украіна на чатырохбаковых перамовах у Стамбуле па экспарце ўкраінскага збожжа прапанавала стварыць алгарытм навігацыі ў Чорным моры для бяспечнага суднаходства.
Міністр абароны Турцыі Хулусі Акар заявіў, што ўдзельнікі перамоваў у Стамбуле ў сераду дамовіліся аб стварэнні каардынацыйнага цэнтра па экспарце ўкраінскага збожжа марскім шляхам, а адпаведнае пагадненне будзе падпісана на наступным тыдні. А генеральны сакратар ААН Антоніу Гутэрэш заявіў, што падчас чатырохбаковай сустрэчы ў Стамбуле бакі дасягнулі «крытычнага» прагрэсу па пытанні экспарту збожжа з Украіны марскім шляхам.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары