Загінуў ураджэнец Кобрына, якога абвінавачвалі ў ваенных злачынствах ва Украіне
Імя маёра Рамана Гровіча з'явілася ў тэлеграм-каналах, якія адсочваюць страты расійскага войска.
Гровіч нарадзіўся ў 1974 годзе ў Кобрыне, скончыў авіяцыйнае вучылішча лётчыкаў у Сызрані, жыў у Растове-на-Доне.
На сваёй старонцы ў «Аднакласніках» публікаваў фота з Арменіі, дзе, падобна, служыў на расійскай авіябазе.
4 сакавіка 2022 года Галоўнае ўпраўленне разведкі Міністэрства абароны Украіны апублікавала спіс асабовага складу брыгады расійскай авіяцыі з прозвішчамі вайсковаслужбоўцаў, якія, па інфармацыі ведамства, здзяйснялі баявыя вылеты ва Украіну з аэрадрома ў Лідзе. Сярод іх быў і камандзір верталётнага звяна Раман Гровіч.
Па іншых звестках, ураджэнец Кобрына загінуў ужо 24 лютага, у першы дзень вайны, — ягоны верталёт збілі над Кіеўскім вадасховішчам падчас спробы штурму Гастомеля.
Тады сапраўды з'яўляліся відэа збіцця верталётаў у ваколіцах Кіева. Хутчэй за ўсё, адным з іх кіраваў Раман Гровіч.
Даставалі вайсковую тэхніку са дна вадасховішча толькі праз некалькі месяцаў пасля пачатку вайны.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову5
Каментары