Спікер паветраных сілаў УСУ: Беларускія партызаны надзвычай добра дапамагаюць Украіне
Украінскія ўзброеныя сілы разлічваюць на падтрымку беларускіх партызанаў. Пра гэта «Белсату» заявіў спікер камандавання паветраных сілаў УСУ Юрый Ігнат, каментуючы інфармацыю пра выбухі на вайсковым аэрадроме «Зябраўка» каля Гомеля.
Юрый Ігнат
«Мы ведаем, што яны надзвычай добрыя, разумныя і кемлівыя людзі, якія ўжо надзвычай добра дапамагаюць нашай дзяржаве, Узброеным сілам Украіны. І мы толькі дзякуем братняму беларускаму народу, які дапаможа Украіне перамагчы акупантаў і выгнаць іх з нашай зямлі. І з вашай таксама», — адзначыў Юрый Ігнат.
Тым не менш, заявіў спікер, пакуль адносна сітуацыі ў Зябраўцы варта давяраць афіцыйнай інфармацыі Міністэрства абароны Украіны, як і ў выпадку са знішчэннем расійскіх самалётаў у крымскай Навафёдараўцы.
Каментары