У сваёй чарговай справаздачы аб становішчы спраў на фронце амерыканскі Інстытут вывучэння вайны робіць выснову, што кіраўніцтва войска РФ «па ўсёй верагоднасці, усё больш губляе ўпэўненасць у бяспецы Крыма пасля нядаўніх украінскіх удараў па расійскіх вайсковых аб'ектах» на паўвостраве, піша BBC.
У апошнія тыдні адбыліся магутныя выбухі на расійскім вайсковым аэрадроме ў Новафёдараўцы каля курортнага горада Сакі і на складзе боепрыпасаў у вёсцы Майскае пад Джанкоем. Да гэтага нападу быў падвергнуты штаб Чарнаморскага флоту ў Севастопалі.
Паводле ацэнак ISW, у адказ на напады расійскія сілы былі пераведзеныя ў стан павышанай гатоўнасці і зведалі рэструктурызацыю. У тым ліку эксперты інстытута пішуць са спасылкай на ўкраінскую вайсковую разведку, што армія РФ перасунула свае самалёты ўглыб тэрыторыі Крыма або на аэрадромы, размешчаныя ў Расіі.
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ12
Каментары