Затрымалі былога намесніка старшыні аднаго з райвыканкамаў Віцебскай вобласці
Былы намеснік старшыні аднаго з райвыканкамаў Віцебскай вобласці ўзяты пад варту, паведамляе БелТА са спасылкай на Генеральную пракуратуру.
![](http://nashaniva.com/img/w732d4webp1/photos/z_2022_08/korova-nmawu.jpg.webp)
Фота ілюстрацыйнае
Чыноўніка абвінавачваюць у бяздзейнасці пры ўтойванні падзяжу жывёлы. Па матэрыялах справы, ён са снежня 2019 года па люты 2021-га «не прыняў належных захадаў па арганізацыі забеспячэння ўнясення дакладных звестак аб пагалоўі буйной рагатай жывёлы ў афіцыйныя дакументы аднаго з сельгаспрадпрыемстваў рэгіёну і дзяржаўную статыстычную справаздачнасць».
Калі колькасць стратаў перасягнула за 840 галоў, абвінавачаны, як сцвярджаецца, ствараў бачнасць, што ўсё добра. Цяпер Наваполацкім аддзелам Следчага камітэта заведзеная крымінальная справа.
Каментары