Байцы авіяразведкі з палка «Пагоня» прыступілі да службы ва Узброеных сілах Украіны, у складзе першай асобнай брыгады спецпрызначэння імя Багуна. Пра гэта паведамляе каманда Prague Support Team, якая рабіла збор на навучанне і забеспячэнне байцоў.
«Аэраразведка складаецца з наступных частак: група падтрымкі і два разведвальныя крылы. Кожнае крыло ўяўляе сабой аўтаномную разведвальна-ўдарную групу з чатырох чалавек, якія выяўляюць варожыя цэлі і знішчаюць іх шляхам навядзення і карэктавання агню артылерыі альбо ўласнымі агнявымі сродкамі. Група складаецца з камандзіра крыла, аператара БПЛА і двух назіральнікаў-аператараў БСУ. Пры неабходнасці члены групы ўзаемна гатовыя замяняць адзін аднаго», — піша Prague Support Team.
Паводле звестак Prague Support Team, на стварэнне авіяразведкі было сабрана 40 тысяч еўра. Байцы прайшлі праграму падрыхтоўкі ў еўрапейскіх інструктараў.
Каментары