У Маскве жанчына нарадзіла ў 60 гадоў. Яйцаклеткі яна замарозіла 15 гадоў таму
Гэта яе трэцяе дзіця, якое з’явілася праз 20 гадоў пасля другога. Праз чатыры дні пасля родаў жанчыне споўніўся 61 год.
У 2010 годзе жанчына замарозіла ўласныя яйцаклеткі. Праз 15 гадоў іх выкарысталі для экстракарпаральнага апладнення, паведамляе ТАСС.
На 38‑м тыдні цяжарнасці жанчыне зрабілі планавае кесарава сячэнне. Нарадзіўся здаровы хлопчык вагой 3 кілаграмы 80 грамаў.
Старэйшыя дзеці спачатку не падтрымалі рашэнне жанчыны, аднак пасля нараджэння брата змянілі сваё стаўленне. «Старэйшыя дзеці былі супраць, але цяпер прынялі брата і актыўна мне дапамагаюць», — расказала жанчына.
Паводле яе, да позняга мацярынства яна рыхтавалася загадзя і прымала рашэнне свядома. Цяпер сваякі і сябры дапамагаюць ёй з гатаваннем і прыбіраннем, каб яна магла больш часу праводзіць з сынам і высыпацца.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары