«Нарэшце мы разам»: дачка святара Бурыкіна даравала яму і возіць да яго сына
Летам 2019-га краіну шакавалі прызнанні дачкі настаяцеля праваслаўнага прыходу ў Гатаве Аляксандры Бурыкінай: яна расказала, што так званы «бацюшка са свастыкай» Канстанцін Бурыкін катаваў яе з маленства і гвалціў. Многія дэталі, праз іх натуралістычнасць і жорсткасць, у публікацыі прыйшлося апусціць. Дзяўчына таксама расказвала пра ўдзел у сэксуальным гвалце яе мачыхі. У гэта цяжка паверыць, але, выглядае, сёлета сям'я памірылася.
Канстанцін Бурыкін у 1990-я і 2000-я быў ідэйным нацыстам, ён нават люстру ў кватэры зрабіў у выглядзе свастыкі і замаўляў сямейныя партрэты ў форме СС.
Гэта не перашкодзіла яму стаць святаром праваслаўнага прыходу ў Гатаве.
Пасля загаварыла яго родная дачка Аляксандра — яна расказала, як бацька яе біў, прывучаў да фалаімітатараў яе і малодшую сястру, а потым пачаў гвалціць сам.
«Я хацела яго забіць», — казала нам Аляксандра.
Чытайце таксама: «Расказала толькі маме, на яе магіле»: жудасная споведзь дачкі «бацюшкі са свастыкай» пра тое, што ён рабіў з ёй
У 2016-м Бурыкін атрымаў тры гады пазбаўлення волі за некалькі знойдзеных дома ржавых патронаў. Кулуарна лічылася, што патроны сталі проста нагодай для пасадкі.
Як грамадзяніна Расіі, па выхадзе з калоніі ў 2019-м Бурыкіна дэпартавалі ў Расію. Там, у Сергіевым Пасадзе, ён жыве і цяпер, забраўшы з сабой дзяцей і другую жонку.
Ягоная дачка Аляксандра тады казала, што баіцца яго вяртання ў Беларусь, каб забіць яе за яе словы.
Але, хоць і выглядае фантастычна, Аляксандра Бурыкіна памірылася са сваім бацькам.
Цяпер ён ужо не выглядае як брутальны сябра РНЕ — Бурыкін схуднеў, носіць акуляры.
У сваіх сацыяльных сетках і ён і Аляксандра месяц таму пахваліліся, што «сям'я нарэшце разам».
Аляксандра прывезла да яго свайго сына.
Таксама яна апублікавала фота з мачыхай — са словаў Аляксандры, яна была вымушаная займацца з ёй сэксам, пакуль Бурыкін, гледзячы на гэта, задавольваў сябе сам.
«Мне сорамна было расказваць нават супрацоўнікам… але ён прымусіў заняцца гэтым і з Вольгай. Я так і зрабіла, як ён казаў. Але гэта быў адзінкавы эпізод з ёй, больш такога не паўтаралася. Я тады думала, што яна таксама не мае выбару. Ён не ўдзельнічаў, толькі ляжаў голы побач і глядзеў», — прызнавалася яна журналісту.
Чаму Аляксандра вырашыла дараваць, невядома. На пытанне журналістаў яна адказала «Да пабачэння».
Чытайце таксама: «Калі ён біў унучку, я ішла ў ванну, каб не чуць». Ці падазравала цешча «бацюшкі са свастыкай» пра сэксуальны гвалт?
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары