Што паглядзець. «Галасы за кадрам» — ізраільская камедыя пра савецкіх мігрантаў, зробленая ураджэнцам Мінска з пасхалкай для беларусаў
Культуролаг Юлія Чарняўская падзялілася ў Facebook сваім уражаннем ад ізраільскага фільма «Галасы за кадрам» пра эмігрантаў з СССР у 90-я гады. Перадрукоўваем яе водгук.
Калізія ў тым, што героі — муж і жонка — прыязджаюць не проста ў незнаёмую і незразумелую краіну, але і ў краіну, дзе для іх па вызначэнні няма і не можа быць працы. У іх спецыфічная прафесія: у Саюзе яны дублявалі замежныя фільмы. Ну, і гадкоў ім за шэсцьдзесят.
Навошта руская гаворка можа спатрэбіцца ў Ізраілі? Ну, напрыклад, для сэксу па тэлефоне з такімі ж адзінокімі і страчанымі рэпатрыянтамі…
Невясёлая па сутнасці, але смешная псіхалагічная камедыя. Фільм фікусуецца на акторах. Там няма пейзажаў і прыгажосцяў. Бюджэт відавочна невялікі, так што відовішча глядач не атрымае. Гэта разумны фільм, сумны і смешны, добры і сумленны, з выдатнай сцэнарнай асновай і тонкай ігрой, асабліва актрысы Марыі Белкінай. Рэкамендую.
Дарэчы, рэжысёр Яўген Руман — ураджэнец Мінска. І там ёсць валянцінка для беларусаў.
Bad Sisters. «Змова сясцёр Гарві» — чорная камедыя
Што паглядзець. «Пясочны чалавек» — адна з найлепшых фэнтэзі-саг гэтага года
Што паглядзець. «Курорт» — з пляжнай казкі ў таямнічую гісторыю
Мінчанка пакінула станоўчы водгук на сумку — і раптам выкрыла здраду чужога мужа14
Каментары