У памежнай зоне забаранілі выкарыстоўваць без дазволу нават маленькія дроны
Пры выкарыстанні дрона на рэжымнай тэрыторыі каля мяжы цяпер трэба атрымліваць дазвол Дзяржаўнага памежнага камітэта. Адпаведныя правілы набылі моц 24 жніўня 2022 года, паведамляе прэс-служба ДПК.
Згодна з новымі правіламі, нельга выкарыстоўваць, не спытаўшыся дазволу ў ДПК, абсалютна любыя дроны, у той час як раней гэтае абмежаванне не закранала лятальныя апараты масай менш за 1 кг.
У паведамленні ДПК падкрэсліваецца: «Забароненае выкарыстанне і (або) валоданне беспілотнікам у памежнай паласе, а таксама яго пакіданне па-за населенымі пунктамі, размешчанымі ў памежнай зоне, без апавяшчэння органаў памежнай службы».
Некаторыя віды беспілотнікаў перад выкарыстаннем у памежнай зоне цяпер трэба зарэгістраваць. Падрабязную інфармацыю памежнікі прапануюць даведацца ў Дэпартаменце па авіяцыі Мінтранса Беларусі.
Штраф за невыкананне правілаў выкарыстання беспілотнікаў у памежнай паласе дасягае 50 базавых велічынь (1600 рублёў на сёння), у памежнай зоне — 20 базавых велічынь (640 рублёў).
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я20
Каментары