Еўрапейская камісія ў суботу рэкамендавала Радзе ЕС замарозіць каля 7,5 мільярда еўра, прызначаных для Венгрыі, у сувязі з падазрэннямі ў карупцыі і хваляваннямі адносна вяршэнства права ў краіне. Гэта першы такі выпадак у гісторыі ЕС.
Магчымасць не выдзяляць сродкі з еўрапейскіх фондаў краінам, у якіх падрываецца вяршэнства права і дэмакратычныя прынцыпы, краіны ЕС адобрылі каля двух гадоў таму.
Прэм’ер-міністр Венгрыі Віктар Орбан, які знаходзіцца ва ўладзе больш за 10 гадоў, па многіх палітычных пытаннях займае пазіцыю, адрозную ад большасці лідараў краін ЕС. Асуджаючы расійскую агрэсію, Венгрыя адмаўляецца пастаўляць Кіеву зброю, а таксама крытыкуе санкцыі ЕС у дачыненні да Масквы, блакуючы або спрабуючы заблакаваць шэраг прапаноў па іх узмацненні.
Каментары