«Раней абеды былі бясплатныя, цяпер сказалі плаціць». Пасля пракурорскай праверкі для школьнікаў са шматдзетных сямей увялі «правіла шасці гадзін»
Мінскія бацькі сігналізуюць у «Нашу Ніву», што абеды для школьнікаў са шматдзетных сем'яў перасталі быць бясплатнымі.
«Класная напісала і папрасіла аплачваць абеды малодшай дачкі», — кажуць у адной сям'і.
«У мінулым годзе абеды былі бясплатныя, цяпер сказалі плаціць», — кажуць у іншай.
Чаму так?
У адпаведным законе сказана, што бясплатным двух-, (трох-) разовым харчаваннем у залежнасці ад даўжыні перабывання ва ўстанове адукацыі забяспечваюцца вучні ўстановаў агульнай сярэдняй адукацыі з:
— малазабяспечаных сем'яў
— сем'яў, якія маюць трох або больш дзяцей ва ўзросце да 18 гадоў
[…].
Педагогі расказалі «Нашай Ніве», што на нормы «даўжыні перабывання» ніхто не звяртаў увагі, пакуль нядаўна гэтая тэма не стала прадметам разбіральніцтва пракуратуры. Пракурорская праверка, праведзеная ў мінскіх школах, прыйшла да высновы, што школьнікі са шматдзетных сем'яў незаконна абедалі за дзяржаўны рахунак.
У школах «Нашай Ніве» патлумачылі, што бясплатныя абеды для малодшых школьнікаў паложаны толькі тым, хто праводзіць у школе больш за 6 гадзін у дзень.
«Цяпер правілы такія: калі школьнік праводзіць у школе менш за 6 гадзін, то яго бясплатна кормяць толькі сняданкам. А вось тым дзецям, якія, напрыклад, ходзяць у групу падоўжанага дня, будзе і бясплатны абед».
Калі ў дзіцяці 6 урокаў ці менш, то ён праводзіць у школе менш за 6 гадзін.
«6 гадзін у дзень — гэта 360 хвілін. 6 урокаў — гэта 270 хвілін. Нават з перапынкамі 6 гадзін не набіраецца», — патлумачылі ў школе.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
Надо написать - не менее 6 часов, но не более 6 часов, 15 минут. Вот это будет по государственному.