У сеціве шмат абмяркоўваюць відэа і матэрыялы, у якіх мабілізаваныя расіяне праяўляюць поўную разгубленасць і абыякавасць да таго, што іх адпраўляюць на вайну ў якасці «пушачнага мяса». А што ж будзе, калі ігнараваць позвы?
Журналісты тэлеграм-канала Baza патэлефанавалі на прамую лінію Мінабароны Расіі, адкрытую пасля пачатку мабілізацыі, і спыталі аб адказнасці, якая пагражае расіянам за няяўку ў ваенкамат. Вось што ім адказалі.
«На гэта момант адказнасць за няяўку ў ваенкамат прадугледжвае артыкул КаАП «Невыкананне грамадзянамі абавязкаў па воінскім уліку». Пакаранне — штраф у памеры ад 500 да 3 тысяч расійскіх рублёў (да $51). Крымінальнага пакарання за няяўку па позве няма», — сказаў аператар лініі.
«Якая будучыня ў мяне цяпер? Забіваць ці быць забітым» — маналог спецкара «Новай газеты» пра мабілізацыю, у якім дыягназ, чаму ў Расіі ўсё так, як ёсць
У Мінабароны папярэдзілі, што крымінальная адказнасць па новых папраўках можа наступіць, калі грамадзянін пакідае месца службы, калі ўжо мабілізаваны. Гэта значыць, калі ён ужо атрымаў правы і абавязкі вайскоўца пасля прыбыцця ў ваенкамат, прайшоў медагляд і мабілізацыйную камісію, а вайсковы камісарыят выдаў адпаведны ўказ.
Па артыкуле аб ухіленні, які распаўсюджваецца на тых, хто ўжо прызваны на службу, пакаранне складае два гады пазбаўлення волі. У той жа час пасля мабілізацыі за тое, калі пакінуць месца службы, можна атрымаць ад 5 да 10 гадоў турмы.
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары