Міністр абароны Германіі раптоўна прыбыла ў Адэсу. Гэта першы яе візіт ва Украіну з пачатку вайны
Міністр абароны ФРГ Крысціне Ламбрэхт прыбыла ў суботу з раней не анансаваным візітам у Адэсу, дзе яе сустрэў міністр абароны Украіны Аляксей Рэзнікаў. Гэта першы візіт Ламбрэхт ва Украіну з моманту пачатку поўнамаштабнага ўварвання Расіі, піша «УП».
Міністр абароны ФРГ адзначыла, што Украіна найбліжэйшым часам атрымае першы з некалькіх абяцаных Берлінам комплексаў супрацьпаветранай абароны IRIS-T. Паводле яе слоў, ён павінен паступіць на працягу «наступных некалькіх дзён».
Паведамляецца, што Ламбрэхт прыйшлося на некаторы час схавацца ў бункеры з-за паветранай трывогі.
Міністру, сярод іншага, расказалі аб прымяненні перададзеных урадам ФРГ Кіеву САУ Gepard. Па словах Ламбрэхт, гэтыя самаходныя зенітныя ўстаноўкі дапамогуць абараніць адэскую крытычную інфраструктуру ад ракетных удараў РФ.
Раней Германія паставіла Украіне ў агульнай колькасці 30 такіх САУ, а таксама 6000 боепрыпасаў да іх.
Рэзнікаў паведаміў, што Ламбрэхт «прывезла добрыя навіны і яшчэ больш інструментаў для ўмацавання ўкраінскага войска».
«Мы абмеркавалі бягучую геапалітычную сітуацыю і сітуацыю з бяспекай, міністр была рада паразмаўляць з нашымі ваярамі і ўбачыць сістэму Gepard на баявым дзяжурстве», — сказаў ён.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары