Амаль за два тыдні пасля абвяшчэння «частковай мабілізацыі» Расію пакінулі прыкладна 700000 чалавек, 200000 з іх выехалі ў Казахстан, высветліў Forbes. Колькі з тых, хто выехаў, турысты і плануюць вярнуцца — невядома.
З пачатку мабілізацыі з Расіі выехаў амаль 1 млн чалавек, сказаў Forbes суразмоўца, знаёмы з крамлёўскімі ацэнкамі. Іншы суразмоўца ў Адміністрацыі прэзідэнта РФ удакладніў, што гаворка ідзе пра 600000 — 700000 расіян. Пры гэтым падлічыць, якая колькасць тых, хто выехаў, пакідае краіну з турыстычнымі мэтамі, цяпер немагчыма, падкрэслівае ён.
Адразу пасля абвяшчэння мабілізацыі 21 верасня на прапускных пунктах у Расіі ўтварыліся чэргі. Самая вядомая — на прапускным пункце Верхні Ларс на расійска-грузінскай мяжы, дзе людзі стаялі па 4-5 дзён, часта без ежы і вады. 3 кастрычніка блогер Мікалай Леўшыц паведаміў, што затор на мяжы рассмактаўся, машыны праязджаюць свабодна.
Таксама чэргі ўтварыліся на памежных пераходах на расійска-казахстанскай мяжы.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары