Сёння ў Санкт-Пецярбургу праходзіць нефармальны саміт СНД. Туды прыбыў і Лукашэнка. Журналісты спыталі, што ён прывёз у падарунак Пуціну, які сёння адзначае 70-годдзе.
Выявілася, што Лукашэнка сапраўды прыехаў не з пустымі рукамі. Ён прывёз Пуціну каштоўны падарунак — сертыфікат на трактар Belarus.
Трактар, распавёў Лукашэнка, такі ж, на якім ён і сам працуе, «найлепшы, ручной зборкі».
З дадатковых агрэгатаў, дадаў Лукашэнка, ён прапануе Пуціну «сеялку» і патлумачыў сэнс падарунка:
каб пасеяць «хлеб, можа, яшчэ нешта», вырасціць і «Дудзе, Маравецкаму, Еўропе [адправіць], каб не галадалі, каб не кралі ва Украіне хлеб, а вязлі бедным краінам», нечакана завяршыў ён.
Як Пуцін, адзін з найбагацейшых людзей свету (паводле расследавальнікаў), які амаль увесь час праводзіць у бункеры (паводле розных інсайдаў), успрыняў падарунак, не паведамляецца.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары