Борыс Джонсан атрымаў падтрымку ста дэпутатаў. Ён зможа зноў прэтэндаваць на пасаду прэмʼера
Бітва за пасаду прэмʼер-міністра Брытаніі, якая вызвалілася пасля адстаўкі Ліз Трас, разгортваецца. Афіцыйна аб намеры балатавацца пакуль абʼявіла толькі лідар Палаты грамад Пені Мордант. Фаварыты — былы прэмʼер-міністр Борыс Джонсан і міністр фінансаў у яго ўрадзе Рышы Сунак — маўчаць, хаця і Джонсана, і Сунака ўжо падтрымалі мінімальна неабходныя 100 дэпутатаў.
Па падліках Бі-бі-сі, да дзвюх гадзін дня суботы аб падтрымцы Сунака, суперніка Трас у фінале нядаўніх выбараў лідара Кансерватыўнай партыі і прэмʼера, заявілі ўжо 112 дэпутатаў Палаты грамад ад партыі торы.
Каб паскорыць абранне новага лідара пасля раптоўнага сыходу Трас, партыя на гэты раз увяла вельмі высокі прахадны барʼер: балатавацца змогуць толькі тыя, хто заручыцца падтрымкай мінімум ста чальцоў фракцыі торы ў Палаце грамад.
Усяго ў Кансерватыўнай партыі зараз 357 мандатаў у ніжняй палаце парламента, і, адпаведна, вылучыцца змогуць не больш за тры кандыдаты.
У суботу раніцай экс-прэмʼер Борыс Джонсан прыляцеў у Лондан з Дамініканскай Рэспублікі, дзе адпачываў з сямʼёй. Як паведамляюць відавочцы, Джонсан прыбыў хоць і ў асяроддзі паложанай яму, былому прэмʼеру, аховы, але эканом-класам. Заяў адразу пасля прылёту ён рабіць не стаў.
Пені Мордант, паводле звестак Бі-бі-сі, пакуль падтрымаў 21 дэпутат. Будучы аўтсайдарам, яна тым не менш стала першай і пакуль адзінай з прэтэндэнтаў, хто афіцыйна заявіў аб намеры балатавацца. Яна нават ужо выпусціла першы перадвыбарчы ролік для шараговых сябраў партыі, якім, магчыма, давядзецца галасаваць у канцы працэсу выбараў.
Элізабэт Трас пайшла ў адстаўку 20 кастрычніка, прабыўшы на пасадзе прэмʼера Брытаніі ўсяго 45 дзён.
Пасля гэтага пачалі распаўсюджваць чуткі аб вяртанні ў вялікую палітыку Джонсана. Кандыдатуру былога прэмʼера падтрымаў міністр абароны Бэн Уолес.
У ліпені 2022 года сваю развітальную прамову Джонсан скончыў словамі героя фільмаў пра Тэрмінатара: «Я вярнуся, дзетка».
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары