Мінскае «Дынама» прайграла ў нядзелю на сваім полі «Шахцёру», і БАТЭ, каб стаць шасціразовым чэмпіёнам краіны, дастаткова выйграць у панядзелак у «Нафтана».
4 кастрычніка прайшлі шэсць матчаў 22-га туру чэмпіянату Беларусі па футболе ў вышэйшай лізе.
У Мінску, на стадыёне ў Кунцаўшчыне, «Дынама» нечакана саступіла салігорскаму «Шахцёру» – 0:1. На 54-й хвіліне адзіны мяч у сустрэчы забіў Аляксандр Грэнькоў.
За чатыры туры да фінішу адрыў БАТЭ ад «Дынама» складае дзесяць балаў (50 супраць 40 балаў),
і каб у шосты раз стаць чэмпіёнам Беларусі па футболе (1999, 2002, 2006, 2007, 2008) БАТЭ дастаткова ў шасці пазасталых матчаў набраць тры балы.
Матч 22-га туру БАТЭ правядзе ў панядзелак, 5 кастрычніка, у Барысаве супраць «Нафтана».
Пачатак а 19-й.
Апроч таго,у БАТЭ у запасе перанесены матч са «Смаргонню».
***
Іншыя вынікі: «Дняпро» – «Гомель» – 2:0, «Дынама» Брэст – «Віцебск» – 3:0, «Смаргонь» – МТЗ-РІПА – 0:4, «Нёман» – «Граніт» – 0:0, «Мінск» – «Тарпеда» – 0:4.
***
Пасля 22 тураў: БАТЭ – 50 (20 гульняў), «Дынама» Мінск – 40, «Дняпро» – 36, «Тарпеда», «Шахцёр» – 35, «Нафтан» – 32, «Дынама» Брэст – 31, «Гомель», «Нёман», МТЗ-РІПА – 28, «Віцебск» – 25, «Мінск» – 24, «Граніт» – 22, «Смаргонь» – 10 (21 гульня).
23-ці тур пройдзе 18 кастрычніка.
Цяпер чытаюць
Сёння Мінск прачнуўся ўначы ад гучнага гука, падобнага да дрона6
Каментары