У апошнія дні беларускія кіроўцы публікуюць у сетцы фота і відэа «лістоў шчасця» за тэхагляд. Шырока вядомыя тры такія выпадкі. І, калі прыгледзецца да фота/відэа лістоў, можна ўбачыць важную заканамернасць, піша Onliner.by.
Публікацыі «лістоў шчасця» за адсутнасць тэхагляду (ТА) сталі з'яўляцца праз 2-3 дні пасля навіны ад Мінтранса аб тым, што цяпер камеры фіксуюць наяўнасць/адсутнасць ТА. Моманты парушэнняў былі зафіксаваныя за некалькі дзён да гэтага, а менавіта 8 кастрычніка 2022-га, 13 кастрычніка 2022-га і 19 кастрычніка 2022 года.
Месцы здзяйснення парушэнняў:
— Мінская вобласць, Уздзенскі раён, Р23, ад 32.550 км да 37.130 км (2);
— Магілёўская вобласць, Р93, ад 19.672 км да 23.254 км (1 ліст).
Названыя аўтамабілі без ТА праязджалі ўчасткі дарог даўжынёй 3-5 кіламетраў і фіксаваліся двума рознымі камерамі. Такім чынам, парушальнікі аказваліся на ўчастках вымярэння сярэдняй хуткасці. Далей у лісце паказана, як менавіта называецца прылада — «сістэма вылічэння сярэдняй хуткасці ТС на пэўных участках аўтадарог RoadEye AverSpeed».
Раней штраф за тэхагляд з камер прыходзіў наўздагон за «лістом шчасця» за хуткасць — перавышэнне хуткасці фіксавалася ў аўтаматычным рэжыме, а далей па фатаграфіях у ручным парадку нумары спраўджваліся з базай ТА. У каментарах пад відэа так і думалі, што аўтары перавысілі хуткасць і менавіта таму было ўстаноўлена, што іх машыны без ТА. Але не, атрымальнікі лістоў пацвердзілі, што ехалі без перавышэння.
Папярэджанні выносяцца, калі аўтамабіль без тэхагляду быў заўважаны камерай упершыню. Другі і наступныя разы — штраф да 3 БВ (96 рублёў па стане на дзень публікацыі).
Што запісана афіцыйнай прычынай смерці адзінага сына Ярмошынай?9
Каментары