Падчас прэс-канферэнцыі, прысвечанай Дню работніка культуры, міністр культуры акрэсліў прыярытэты сваёй дзейнасці.
5 кастрычніка, падчас прэс-канферэнцыі, прысвечанай Дню работніка культуры, міністр культуры акрэсліў прыярытэты сваёй дзейнасці.
Сярод іх былі названыя: даступнасць культуры, як унутраная, так і знешняя; культура як імідж краіны; падтрымка маладых талентаў; захаванне гістарычнай спадчыны.
Павал Латушка зазначыў таксама, што «у апошні час павялічылася фінансавая падтрымка устаноў культуры ў Беларусі». Разам з тым, спадар міністр прапанаваў бізнэсу актыўней падтрымліваць культурныя праграмы і мерапрыемствы, у якасці прыкладаў назваўшы стварэнне сістэмы прадусарства ў краіне.
Шмат увагі Латушка надаў міжнароднаму супрацоўніцтву ў сферы культуры, у тым ліку і ў межах «Усходняга партнёрства».«Нас аб’ядноўвае з Літвой і Польшчай адзіная культурная спадчына» – зазаначыў спадар міністр. Супрацоўніцтва з гэтымі краінамі ў галіне рэстаўрацыі помнікаў архітэктуры было названае прыярытэтным. На гэтыя мэты ў 2010 г. плануецца выдзеліць 50 млрд рублёў.
Асобна спадар Латушка згадаў пра супрацоўніцтва з беларускай дыяспарай. «Важна, што аднаўляецца дыялог. Мы будзем актывізаваць яго. Гэта падыход кіраўніцтва нашай дзяржавы», – адзначыў міністр і запэўніў, што Беларусь будзе спрыяць адкрыццю беларускіх культурных цэнтраў за мяжой. Найперш у Літве, Расіі, Украіне.
Завяршаючы прэс-канферэнцыю,
міністр адзначыў, што плануе правесці рэарганізацыю Мінстэрства культуры:«З мэтай актывізаваць працу ўстановы. Яе узаемадзеянне з рэгіёнамі».
Развітваючыся з журналістамі, спадар міністр параіў кожны свой дзень пачынаць з беларускага слова: «Важна змяніць стаўленне грамадства да беларускай культуры».
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі партыю палітвязняў10
Каментары