Рамонт моста на праспекце Жукава: на Чыгуначнай адкрылі рух транспарту
З сакавіка гэтага года вядзецца рамонт пуцеправодаў на праспекце Жукава над чыгуначнымі пуцямі ў раёне станцыі «Мінск-Сартавальны» і на скрыжаванні з вуліцай Чыгуначнай. Сёння адкрылі рух па вуліцы Чыгуначнай непасрэдна пад мостам, піша Onliner.by.
Рамонт вядуць на палове моста па чарзе (цяпер працуюць на няцотным баку). Рух арганізаваны па дзвюх палосах у кожным напрамку. Пасля адкрыцця праезду па вуліцы Чыгуначнай заторы павінны стаць меншыя. Раней аўтамабілістам даводзілася рухацца ў аб'езд.
На самім мосце працягваюцца працы. Мяркуючы па фатаграфіях, яго ўмацавалі: замест ранейшых трох пралётаў паставілі чатыры. Акрамя таго, павялічылі шырыню моста, каб сфарміраваць па чатыры паласы ў кожным кірунку.
Мяркуючы па пашпарце аб'екта, будаўніцтва цалкам скончыцца толькі ў маі наступнага года.
Каментары