У аўторак літоўскія мытнікі не прапусцілі ў краіну цыстэрну чыгуначнага саставу з угнаеннямі з Беларусі, на якую быў нанесены сімвал ваеннай агрэсіі Расіі ва Украіне — літара Z.
Delfi.lt
У пагранпункце Кяна ў аўторак каля 15.30 супрацоўнікі мытні і Службы аховы дзяржмяжы Літвы праверылі састаў, які прыбыў з Беларусі. На адным з вагонаў — цыстэрне, якая перавозіла ўгнаенні або кампаненты для вытворчасці ўгнаенняў, — быў заўважаны незаконны знак — сімвал расійскай вайсковай агрэсіі Z, паведамілі ў мытні.
Вагон затрымалі і вярнулі ў Маладзечна.
Як паведамляецца, адпраўніком грузу, прызначанага для літоўскай кампаніі, з'яўляецца расійскае прадпрыемства.
Каментары